E Vigo emgavet dindan ar glao met deut eo an amzer vrao en dro

Tudoù,

Kuitaet Manuel e Montalegre met graet meus ur pennad hent gant e oto evit tostaad ouz Vigo.
E Cortegada neus lesket ac'hanon war bord ar "Rio miño" (an ñ a dalvez gn da lavaret "Migno").
Me sonje din e vefe aes e teid ar steir ! Me amañ, n'eus netra da ober ar menezioù zo aze.
Setu, deomp etrezek Vigo. Evel just, ur sao 4 km evit kregiñ dindan al latar. Nebeut goude brumen, evit echuiñ gant barroù glao !!! Me lavar deoc'h pebez micher abaoe 10 dervez ...
Tostaad 'ran ouz Vigo, war ar gartenn ne velañ nemet hentchoù "autostrada" pe "autopista". Penaos ober evit mont e kear ? Goulennet an hent meur a vech... Ben ar fin kavet ganin N120 etrezek Vigo, dreist! Nepell ar panelloù a deu da vezañ glas hag an hent gwarezet gant railhoù houarn en daoù du; emgavet war an "autostrada". 'Tra da ober evit en em sachañ kuit. Deomp dezhi, sevel a ra soun ... Un eur evit emgavout en neac'h. Neuze didan ar glao e velañ kear Vigo war ar menezioù o pilat er mor.

Nebeut goude, emgavet DD e ti Christophe Lagadec (ginidig ouz Plouider) hag Anna Martinez.
Un digemer c'hwek evel just, gleb-tailh ar paotr ! An dra-se oa di gwener 14.

Ar sadorn 15, amzer da veladenniñ kear Vigo ... War droad !

Ar sul 16, e zan war droad betek ti Carola Diaz bet o labourat e Ti ar Vro e Lesneven. Brezhoneg ganeomp evel just. Pegen plijus komz brezhoneg e bro Spagn !
Amañ, n'eo ket e giz Breizh, ar prejoù dre vras

• Debret 'vez war dro 3 eur
• Koañ war dro 10 eur noz

Ouzpenn, 'z'eus un eur difor etre ar Spagn hag ar Portugal. Setu n'eo ket aes din en em lakaad barz ar jeu. N'eus forz.

Deac'h, ar sul 16, omp bet o veladenniñ "Castro de Santa TREGA" e kichen Pontevedra, war roudoù ar Gelted. Plijus evel just.

Kenavo dizale

DD

PS hirio, lun 17, eo gouel ur skrivañier, ne vez ket labouret. Mont a reomp da Santiago da vanifestiñ evit ar yez.